Sanaartornermi neqerooruteqartitsisarneq pillugu Inatsisartut inatsisaata (neqeroortitsinermik inatsit) allanngortinneqarnissaanik siunnersuut Ineqarnermut, Attaveqaasersuutinut Isorliunerusunullu Naalakkersuisoqarfiup matumuuna tamanut tusarniutigaa.
Naalakkersuisooqatigiinnissamut isumaqatigiissut ”Ataatsimoorfigaarput Kalaallit Nunaat toqqissisimanartoq kiffaanngissusilik siuariartortorlu” naapertorlugu, neqerooruteqartarnermut inatsisip allanngortinneqarnissaa siunnersuutigineqarpoq, taamaalilluni pisortat illuliornernik sanaartornernillu suliassaasa suliarineqarneranni najukkani suliffeqarfiit akuutinneqarnerulernissaannut periarfissiisoqassalluni.
Tamatuma saniatigut allanngortitsinissamut siunnersuummi siunertaavoq, pisortat illuliassaannik sanaartugassaannillu allaffissornikkut aqutsinerup pisariinnerulersinnissaa, ilaatigut illuliornermut sanaartornermullu suliassaqarfimmi siunnersortitut sullissinernit neqeroortitsinerit inatsisitigut maleruagassiivigineqarnerat neqerooruteqartarnermut inatsimmi ilanngunneratigut, taamaalillunilu – ullumikkut pisartutut – pisortat oqartussaaffigisaanni suliffeqarfiinilu nioqqutissanik kiffartuussinernillu pisiniarnermut tunngatillugu neqerooruteqartitsisarneq pillugu Inatsisartut inatsisaanni (neqeroortitsinermut inatsit) ilaatinneqassanani.
Oqaaseqaataasinnaasut kingusinnerpaamik 2026-imi ataasinngornermi februaarip 23-ani nal. 12.00, Ineqarnermut, Attaveqaasersuutinut Isorliunerusunullu Naalakkersuisoqarfimmut mailimut box909@nanoq.gl nassiuteqquneqarput.
-----
Departementet for Boliger, Infrastruktur og Yderdistrikter sender hermed et forslag til ændring af Inatsisartutloven om indhentning af tilbud i bygge- og anlægssektoren (tilbudsloven) i offentlig høring.
I medfør af koalitionsaftalen ”Vi står sammen om et trygt og frit Grønland der er under udvikling” foreslås en ændring af tilbudsloven, så der gives mulighed for en øget inddragelse af lokale virksomheder ved udførelsen af det offentliges bygge- og anlægsarbejder.
Derudover har ændringsforslaget til formål at forenkle administrationen af det offentliges bygge- og anlægsopgaver blandt andet ved, at den lovmæssige regulering af udbud af rådgiverydelser i bygge- og anlægssektoren indarbejdes i tilbudsloven, og dermed ikke – som tilfældet er i dag – skal omfattes af Inatsisartutloven om udbud i forbindelse med indkøb af varer og tjenesteydelser i offentlige myndigheder og institutioner (udbudsloven).
Eventuelle bemærkninger bedes sendt til Departementet for Boliger, Infrastruktur og Yderdistrikter senest mandag den 23. februar 2026 kl. 12.00 på e-mailadressen: box909@nanoq.gl