Uunga siunnersuummut missingiut: Aatsitassanut tunngasunik suliaqarneq pillugu Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxxx 2025-meersoq aamma Uunga siunnersuummut missingiut: Aatsitassat pillugit ingerlatallu tamatumunnga pingaarutillit pillugit inatsisartut inatsisaata (aatsitassanut ikummatissanullu inatsit) allanngortinneqarnera pillugu Inatsisartut inatsisaat nr. xx, xx. xxx 2025-meersoq
Matumuuna ”Uunga siunnersuut: Aatsitassanut tunngasunik suliaqarneq pillugu Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxxx 2025-meersoq” aamma ”Uunga siunnersuut: Aatsitassat pillugit ingerlatallu tamatumunnga pingaarutillit pillugit inatsisartut inatsisaata (aatsitassanut ikummatissanullu inatsit) allanngortinneqarnera pillugu Inatsisartut inatsisaat nr. xx, xx. xxx 2025-meersoq” 2025-mi ukiaanerani ataatsimiinnermi saqqummiunneqarnissaa siunertaralugu tusarniaassutigalugu nassiunneqarpoq.
Siunnersuutit marluk taakkua ataatsimoortillugit tusarniaassutigalugit nassiunneqarput, tassami imarisamikkut aalajangersakkat aatsitassanut tunngasunik suliaqarneq pillugu Inatsisartut inatsisaanni aamma aatsitassat pillugit ingerlatallu tamatumunnga pingaarutillit pillugit inatsisartut inatsisaanni (aatsitassanut ikummatissanullu inatsit) allanngortinneqartussatut kissaatigineqartut assigiimmata.
Tunngaviusoq aamma siunertaq
Aatsitassanut oqartussap aaqqissuussaanera ullumikkut inatsimmi maleruagassiivigineqarpoq. Taamaalilluni aqutsisoqarfinnik marlunnik, Aatsitassanut Ikummatissanullu Aqutsisoqarfimmik aamma Aatsitassanik Suliassaqarfinnut Avatangiisinut Aqutsisoqarfimmik, aatsitassanut suliassaqarfiup allaffissornikkut ulluinnarni aqunneqarneranik isumaginnittussanik, pilersitsisoqassasoq inatsimmi aalajangerneqarpoq. Aatsitassanut ikummatissanullu inatsimmi aamma aatsitassanut tunngasunik suliaqarneq pillugu Inatsisartut inatsisaanni taamatut aaqqissuussaanissaq pillugu aalajangersagaqarpoq. Maannakkut inatsisitigut inissisimaneq suliassanik suliarinninnerup eqaatsuutinnissaanut akornusiivoq, taamaattumillu aaqqissuussaanerup inatsimmi aalajangerneqartumik maleruagassiivigineqarnerata atorunnaarsinneqarnissaa kissaatigineqarpoq.
Allannguutissatut siunnersuutigineqartuni taakkunani aatsitassanut ikummatissanullu inatsimmi aamma aatsitassanut tunngasunik suliaqarneq pillugu Inatsisartut inatsisaanni Aatsitassanut Ikummatissanullu Aqutsisoqarfik aamma Aatsitassanik Suliassaqarfinnut Avatangiisinut Aqutsisoqarfik pillugit aalajangersakkat atorunnaarsinneqarput. Aalajangersakkat taakkua atorunnaarsinneqarnissaannut siunertaavoq, aatsitassanut suliassaqarfiup allaffissornikkut aqunneqarnerata eqaannarulersissinnaalernissaa. Oqaatigineqarpoq Aatsitassanut Ikummatissanullu Aqutsisoqarfiup suliassaasa akisussaaffiisalu allanngortinnissaannut inatsimmi tunngavissaq 2025-mut aningaasanut inatsimmi oqaasertaliussameereermat.
Aqutsisoqarfiit atuutsiinnarnissaannut imaluunniit taamaaqataanik siunertalinnik immikkoortortanik nutaanik pilersitsinissamut, siunnersuutit akornusiinngillat. Aqutsisoqarfiit inatsimmi maleruagassiivigineqarunnaaginnartussaapput. Aqutsisoqarfiit atuutsiinnarneqarnerat imaluunniit taamaaqataannik immikkoortortanik nutaanik pilersitsineq, nalunaarummik, immikkoortortat taakkua suliassaannut akisussaaffiinullu erseqqinnerusumik aalajangersaaviusumik, atuutsitsilernikkut pisinnaapput. Aqutsisoqarfiit imaluunniit immikkoortortat taamaaqatai aatsitassanut suliassaqarfiup allaffissornikkut aqunneqarnerata ilaanik suliaqassanersoq, Naalakkersuisut Siulittaasuannit aalajangerneqartussaavoq, takuuk Inatsisartut Naalakkersuisullu pillugit Inatsisartut inatsisaanni § 23, imm. 1.
Pinngortitamut avatangiisinullu suliassaqarfimmi aalajangiinerit naammagittaalliuutigineqarnissaannut periarfissap atuutsiinnarnissaa kissaatigineqarmat, pinngortitamut avatangiisinullu tunngasut pillugit aalajangiinerit naammagittaalliuutigineqarsinnaanerat pillugu aalajangersakkanik aalajangersaanissamut Naalakkersuisut pisussaaffilerneqassasut siunnersuutigineqarpoq.
Tamatuma saniatigut ataatsimoortumik oqartussat suliarinnittarnerannut tunngaviusoq (tunngaviusoq one door) atuutsiinnarneqarpoq. Oqartussamut inatsimmi toqqarneqartumut taarsiullugu siunnersuutigineqarpoq, immikkoortortamik, pisinnaatitsissummik pigisaqartunut allanullu Inatsisartut inatsisaanni pineqartunut ilaasunut tunngatillugu aatsitassanut suliassaqarfik pillugu allaffissornikkut attaveqaqatigiinnermik isumaginnittussamik, Naalakkersuisut toqqaassasut.
Kiisalu aatsitassanut tunngasunik suliaqarneq pillugu Inatsisartut inatsisaanni § 53-imi kukkusumik innersuussineq naqqinneqarpoq.
Allannguutit annertuut
Siunnersuutini inatsisinut atuuttunut sanilliullugu annertuumik allannguutit makkuupput:
Aatsitassanut Ikummatissanullu Aqutsisoqarfik aamma Aatsitassanik Suliassaqarfinnut Avatangiisinut Aqutsisoqarfik pillugit aalajangersakkat atorunnaarsinneqarput.
Tamatuma saniatigut allanngortitsinissaq siunertarineqanngilaq. Ataatsimoortumik akuutitsiviusumik suliassanik suliarinnittarneq pillugu tunngaviusoq aamma pisinnaatitsissummik pigisaqartut oqartussamik ataasiinnarmik attaveqaqateqartarnissaat pillugu tunngaviusoq, atuutsinnarneqarput.
Pinngortitamut avatangiisinullu tunngasut pillugit aalajangiinerit naammagittaalliuutigineqarsinnaanerannut periarfissaqarneq aalajangiusimaannarneqarpoq. Taamaattoq nalinginnaasumik naammagittaalliorfissaqarnissaq pineqanngissinnaavoq. Aatsitassanik Suliassaqarfinnut Avatangiisinut Aqutsisoqarfik atorunnaarsinneqassappat, arlaannaannulluunniit attuumassuteqanngitsumik naammagittaalliortarfimmik pilersitsisoqartussaassaaq.
Piffissamut killigititaq
Tusarniaanermut akissuteqaatit nassiuteqquneqarput uunga asn@nanoq.gl assilinera uunga bosd@nanoq.gl kingusinnerpaamik 30. juli 2025.
-----
Udkast til forslag til: Inatsisartutlov nr. xx af xx. xxxx 2025 ændring af Inatsisartutlov om mineralaktiviteter og Udkast til forslag til: Inatsisartutlov nr. xx af xx. xxx 2025 om ændring af Inatsisartutlov om mineralske råstoffer og aktiviteter af betydning herfor (råstofloven)
Hermed sendes ”Forslag til: Inatsisartutlov nr. xx af xx. xxxx 2025 ændring af Inatsisartutlov om mineralaktiviteter” og ”Forslag til: Inatsisartutlov nr. xx af xx. xxx 2025 om ændring af Inatsisartutlov om mineralske råstoffer og aktiviteter af betydning herfor. (råstofloven)” i høring med henblik på fremsættelse på efterårssamlingen 2025.
De to forslag sendes samlet i høring, da det indholdsmæssigt er de samme bestemmelser, der ønskes ændret i henholdsvis Inatsisartutlov om mineralaktiviteter og Inatsisartutlov om mineralske råstoffer og aktiviteter af betydning herfor (råstofloven).
Baggrund og formål
Råstofmyndighedens organisation er i dag reguleret ved lov. Det er således bestemt ved lov, at der skal oprettes to styrelser, Råstofstyrelsen og Miljøstyrelsen for Råstofområdet, som varetager den daglige administration af råstofområdet. Der er bestemmelser om denne organisation i både råstofloven og Inatsisartutlov om mineralaktiviteter. Den nuværende retsstilling forhindrer fleksibilitet i sagsbehandlingen, og derfor ønskes den lovbestemte regulering af organisationen ophævet.
Ved de foreslåede ændringer, ophæves bestemmelserne i råstofloven og Inatsisartutlov om mineralaktiviteter, vedrørende Råstofstyrelsen og Miljøstyrelsen for Råstofområdet. Formålet med at ophæve disse bestemmelser er, at muliggøre en smidigere administration af råstofområdet. Det bemærkes, at der allerede findes hjemmel til at ændre på Råstofstyrelsens opgaver og ansvar i anmærkningerne til finansloven for 2025.
Forslagene er ikke til hinder for, at styrelserne bibeholdes, eller at der oprettes nye enheder med samme formål. Styrelserne vil bare ikke længere være reguleret ved lov. En bibeholdelse af styrelserne eller en oprettelse af nye tilsvarende enheder, kan eventuelt ske ved udstedelse af en bekendtgørelse, der nærmere fastlægger disse enheders opgaver og ansvar. Hvorvidt styrelserne eller tilsvarende enheder skal forestå en del af administrationen af råstofområdet, bestemmes af Formanden for Naalakkersuisut jf. Inatsisartutlov om Inatsisartut og Naalakkersuisut § 23, stk. 1.
Da man ønsker at bibeholde muligheden for at påklage afgørelser på natur- og miljøområdet, foreslås det, at Naalakkersuisut forpligtes til at fastsætte bestemmelser om adgang til at påklage afgørelser vedrørende afgørelser vedrørende natur-og miljøforhold.
Desuden bibeholdes princippet om en samlet myndighedsbehandling (one door-princippet). I stedet for en ved lov udpeget myndighed, foreslås det, at Naalakkersuisut udpeger en enhed, der varetager den administrative kommunikation vedrørende råstofområdet i forhold til rettighedshavere og andre omfattet af Inatsisartutloven.
Endelig foretages der en rettelse af en fejlhenvisning i Inatsisartutlov om mineralaktiviteter § 53.
Væsentligste ændringer
Forslagenes væsentligste ændringer i forhold til den gældende lovgivning, er følgende:
Bestemmelserne om Råstofstyrelsen og Miljøstyrelsen for Råstofområdet, ophæves.
Derudover er der ikke tilsigtet ændringer. Princippet om en samlet integreret sagsbehandling og princippet om at rettighedshavere kun kommunikerer med en myndighed, opretholdes.
Muligheden for at klage over afgørelser vedrørende natur- og miljøforhold fastholdes. Der bliver dog ikke nødvendigvis tale om en almindelig rekursadgang. Såfremt Miljøstyrelsen for Råstofområdet nedlægges, vil der skulle oprettes en uafhængig klageinstans.
Frist
Høringssvar bedes fremsendt til asn@nanoq.gl med kopi til bosd@nanoq.gl senest 30. juli 2025.