Takornariartitsinermik ingerlataqarneq aamma inuussutissarsiutigalugu ingerlatsinermi zonenut immikkoortiterineq il.il. pillugit Inatsisartut inatsisaata normu 62, 25. november 2025-meersup allanngortinneqarnera pillugu Inatsisartut inatsisissaattut siunnersuut ilanngussatut ilanngunneqartoq Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfiup matumuuna tusarniutigaa.
Inatsit takornariartitsinermik ingerlataqarnermut siunertaanngitsumik akornusiinnginnerussammat imaluunniit assersuutigalugu akuersissutinik tunniussinermi eqquinerlunnginnerussammat, inatsisip atorneqarnera pitsannguuteqarfigissallugu Naalakkersuisut kissaateqarnerat siunnersuuteqarnermi pingaarnertut tunuliaqutaavoq.
Siunnersuummi immikkoortut pingaarnerit
- Piffissap immikkut akuersissuteqarfiusup sivitsorneqarnera. Inatsit atuuttoq malillugu, sivitsuinissamik periarfissalerlugu ukiunut marlunnut immikkut akuersissummik tunniussisoqarsinnaavoq. Inuussutissarsiutillit ikaarsaarnissamut sivisunerusumik piffissaqarnissaminnik pisariaqartitsinerat iliuuseqarfigiumallugu, pingaartumik najukkami tunngavissiinissami imaluunniit nunami piginnittuunernik ineriartortitsinissami aaqqiineq taanna sulisaasermi naammanngitsoq paasinarsivoq.
- Angerlarsimaffik qimallugu allamiinnermi akuersissummik piumasaqaammut ilaatinneqannginneq. Pisut ilaanni immikkut akuersissummik pissarsisinnaaneq inatsimmi atuuttumi periarfissaavoq, ersarissaasoqarnissaali pisariaqartoq paasinarsisimalluni. Pingaartumik pisortani sulinermi, ilinniarnermi, sivisuumik napparsimanermi kiisalu aapparisap imaluunniit inooqatigisap angerlarsimaffik qimallugu allamiinnerani periarfissat nangaassutigineqarsimapput. Isumaliutiginninnerit takutippaat, ersarinnerumik malittarisassiuussineq eqqugaasunut siumut nalunanngereernerusumik, inatsisitigullu isumannaallisaaffigineqarnerunerinik pilersitsissasoq.
- Isumannaallisaanermut, upalungaarsimanermullu suliniutit. Ingerlatat nalunaarsorneqarnissaannut piumasaqaasiornissamut, sillimmasiissuteqarnermillu uppernarsaasoqarnissaanik piumasaqaasiornissamut inatsit atuuttoq malillugu killilimmik periarfissaqarpoq. Takornariartitsinermik ingerlatat ineriartornerisigut, matumani aamma aqqutini navianartuni angallattoqarnerulerneratigut, ullutsinnut naleqqunnerusumik upalungaarsimanissamik pisariaqartitsinerup isumaliutigineqarnissaanik pissutissaqalersimavoq. Aaqqiissutissatut siunnersuutigineqartup kingunerisaanik, zonenut immikkoortiterinermi asimi pisuttuarnissat nalunaarsorneqarnissaannik, asimi pisuttuarnissamut uppernarsaammik pissarsinissamut kiisalu aqqutini ersarinnerusumik toqqakkani angalanermut sillimmasiissummik imaluunniit annaanneqarnissamut sillimmasiissummik atuuttumik uppernarsaasinnaassasut piumasaqaasiortoqarsinnaassaaq.
- Sumiiffinni takornarialerisoqarpallaanngitsuni immikkut ittumik akuersissuteqarnissamut periarfissaq. Sumiiffinni takornarialerisoqarpallaanngitsuni immikkut akuersissummik pissarsinissamut inatsit atuuttoq immikkut periarfissaqartitsinngilaq. Najukkami ineriartortitsineq tapersersorumallugu, takornarialerinissamullu tunngavissaq killeqaraluarpalluunniit takornariartitsinermik ingerlatsisoqarsinnaanissaa qulakkeerumallugu, taamatut periarfissaqarnissaq pisariaqarsinnaavoq. Aaqqiissutissatut siunnersuutigineqartoq sumiiffinni taamak ittumik immikkut akuersissuteqarnissamut periarfissiivoq, kisiannili eqqarsaatigisariaqakkat pillugit Naalakkersuisut ataatsimut eqqarsaatiginnilluarsinnaanerat atatiinnarneqarluni.
Oqaaseqaataasinnaasut kingusinnerpaamik 2026-mi januaarip 25-ani Naalakkersuisoqarfiup tigoreersimassavai, naalakkersuisoqarfiullu pisortatigoortumik e-mailianut isiin@nanoq.gl-imut, assilineranillu ilisimatitsissutitut lael@nanoq.gl-imut nassiuteqquneqarlutik. Imaluunniit uunga:
Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfik Postboks 1601
---
Departementet for Erhverv, Råstoffer, Energi, Justitsområdet og Ligestilling fremsender hermed vedlagte forslag til Inatsisartutlov om ændring af Inatsisartutlov nummer 62, af d. 25. november 2025, om turistvirksomhed og om zoneinddeling m.v. for erhvervsmæssig virksomhed, i høring. Den overordnede baggrund for forslaget er, at Naalakkersuisut ønsker en forbedring af anvendelsen af loven, så den ikke utilsigtet hindrer turismeerhvervet, eller rammer skævt i f.eks. udstedelse af licenser.
Forslagets hovedpunkter:
- Forlængelse af dispensationsperioden. Efter gældende ret kan der udstedes dispensation for en periode på to år med mulighed for forlængelse. Denne ordning har i praksis vist sig utilstrækkelig til at imødekomme erhvervslivets behov for en længere overgangsperiode, særligt i relation til etablering af lokal forankring eller opbygning af ejerkredsen i landet.
- Undtagelse fra licenskrav ved udstationering. Gældende ret indeholder adgang til dispensation i visse situationer, men praksis har vist behov for en præcisering. Særligt har der været usikkerhed om mulighederne ved offentlige hverv, uddannelsesophold, længerevarende sygdom samt udstationering af ægtefæller eller samlevere. Overvejelserne har peget på, at en klarere regulering vil skabe større forudsigelighed og retssikkerhed for de berørte.
- Sikkerheds- og beredskabstiltag. Efter gældende ret er der begrænsede muligheder for at stille krav til registrering af aktiviteter og dokumentation for forsikring. Udviklingen i turismeaktiviteter, herunder stigende færdsel på udsatte ruter, har givet anledning til overvejelser om behovet for et mere tidssvarende beredskab. Den foreslåede ordning indebærer, at der, i zoneinddelingerne, kan stilles krav om registrering af vandreture, erhvervelse af vandrebevis samt dokumentation for rejse- eller redningsforsikring på nærmere udpegede ruter.
- Særlig dispensationsmulighed i områder med få turismeaktører. Gældende ret indeholder ikke en særskilt adgang til dispensation i områder med få aktører. En sådan adgang kan være nødvendig for at understøtte lokal udvikling og sikre, at turismeaktiviteter kan etableres, selv hvor aktørgrundlaget er begrænset. Den foreslåede ordning giver mulighed for dispensation i sådanne områder, men fastholder, at Naalakkersuisut skal foretage en samlet afvejning af relevante hensyn.
Eventuelle bemærkninger bedes være Departementet i hænde senest 25-1-2026, og bedes fremsendt til departementets officielle e-mailadresse isiin@nanoq.gl, med kopi til lael@nanoq.gl. eller til:
Departementet for Erhverv, Råstoffer, Energi, Justitsområdet og Ligestilling
Postboks 1601
3900 Nuuk