Matumuuna Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup tusagassiorfinnut tapiissuteqartarneq pillugu Inatsisartut inatsisaata allanngortinnera pillugu Inatsisartut inatsisissaattut siunnersuut tusarniutigalugu, Namminersorlutik Oqartussat inatsimmik nalunaarutaat nr. 63, 24. september 2025-imeersoq naapertorlugu, nassiuppaa.
Siunnersuummut pingaarnertigut tunuliaqutaasut naalakkersuisoqatigiinni isumaqatigiissummut atatillugit isigineqassapput, tassani tusagassiorfiit kiffaanngissuseqartut attaviitsullu qulakkeerneqarnissaat siunertaralugu tusagassiorfinnut tapiissutinik nutarterinissaq siunniunneqarluni, taamaattumik tusagassiuutit digitaliusut aamma tusagassiorfinnut tapiissutinut ilaasariaqarlutik.
Tassani pingaartumik pineqarput pappilianngorlugu saqqummiussinissaq pillugu maannakkut piumasaqaat aamma tusagassiorfiup ukioq naallugu aaqqissuisunik ikinnerpaamik pingasunik peqarnissaa. Tusagassiorfinnut tapeeriaaseq ullutsinnut naleqquttoq, nutaaliornermut inissaqartitsisoq aamma tamat oqartussaaqataaneranni oqallinnermik nukittunerulersitsisoq naalakkersuisooqatigiit kissaatigaat. Tusagassiuutip pappialanngorlugu saqqummersinnissaa pillugu piumasaqaat pillugu apeqqut peerneqartussanngorpoq aammattaarlu aaqqissuisoqarfimmi sulisut amerlassusissai pillugit piumasaqaatit sakkukillineqarnissaat pillugu isumaliuuteqartoqarsimalluni.
Tamanna tunuliaqutaralugu tusagassiorfinnut tapiissuteqartarneq pillugu piumasaqaat tusagassiorfinnut saqqummiussisunut imaluunniit pappilianngorlugu saqqummiussisunut taamaallaat tapiissutaasarnera peerneqassasoq siunnersuutigineqarpoq. Tamatuma saniatigut aaqqissuisutut sulisut amerlassusissaannik piumasaqaat pingasuniit marlunnut appartinneqassasoq siunnersuutigineqarpoq.
Kiisalu siunnersuummi § 2-mit takuneqarsinnaavoq siunnersuut ullormi januarip aallaqqaataani 2027-mi atuutilissasoq.
Oqaaseqaatigineqarsinnaasut Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmut kingusinnerpaamik ulloq 8. december 2025-mi tiguneqariissapput. Oqaaseqaatit Naalakkersuisoqarfiup pisortatigoortumik mail-anut uunga nassiuteqquneqarput: iktin@nanoq.gl imaluunniit Naalakkersuisoqarfiup pisortatigoortumik najugaqarfianut:
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik, Postbox 1029, 3900 Nuuk.
-----------
Departementet for Uddannelse, Kultur, Idræt og Kirke fremsender hermed vedlagte for-slag til Inatsisartutlov om ændring af Inatsisartutlov om mediestøtte, jf. Selvstyrets lovbekendtgørelse nr. 63 af 24. september 2025, i høring.
Den overordnede baggrund for forslaget skal ses i sammenhæng med koalitionsaftalen, hvori der lægges op til en modernisering af mediestøtten med henblik på at sikre frie og uafhængige medier, hvorfor mediestøtte også bør omfatte digitale medier.
Dette berører navnlig det nuværende krav om at udkomme på papir og betingelsen om at mediet skal have mindst 3 redaktionelle årsværk. I den forbindelse ønsker koalitionen en mere tidssvarende mediestøtte, der giver plads til innovation og styrker den demokratiske debat. Dette har aktualiseret spørgsmålet om at lade kravet om, at mediet skal udkomme på papir udgå og ligeledes foranlediget overvejelser om at lempe betingelserne om antallet af redaktionelle medarbejdere.
På den baggrund foreslås det, at kravet om at mediestøtte alene kan ydes til medier, der udkommer eller gengives på papir, udgår. Derudover foreslås en lempelse af kravet til antallet af redaktionelle medarbejdere, der sænkes fra 3 til 2.
Endelig fremgår det af § 2, at forslaget træder i kraft den 1. januar 2027.
Eventuelle bemærkninger bedes være Departementet for Uddannelse, Kultur, Idræt og Kirke i hænde senest 8. december 2025. Bemærkninger bedes fremsendt til departementets officielle mail-adresse: iktin@nanoq.gl, alternativt til Departementets officielle brevpostadresse:
Departementet for Uddannelse, Kultur, Idræt og Kirke, Postbox 1029, 3900 Nuuk.