Matumuuna inatsisissatut siunnersuummut missingiut matuma siuliani taaneqartoq tusarniaassutigalugu nassiunneqarpoq. Siunnersuut, nassuiaatit aamma tusarniaaffigineqartut allassimaffiat ilanngunneqarput
Inatsisissatut siunnersuut sammisanik pingaarnernik pingasunik imaqarpoq, Naalakkersuisut tassani ilaatigut aningaasaqarnermi ingerlatsiviit annertunerusumik nalunaaruteqartussaatitaanissaannik aalajangersaanissamut piginnaatinneqarlutik. Paasissutissat ullumikkut paasissutissat nunani allani akileraartarnermut oqartussanut nalunaarutigineqartartutut paarlaatseqatigiissutigineqartassapput. Paarlatsigalugu Akileraartarnermut Aqutsisoqarfik nunanit allanit paasissutissanik assingusunik pissarsisassaaq. Paasissutissat nutaat ullumilu tiguneqartartut akileraartarnermi nakkutiginninnermik pitsanngorsaapput.
Tamatuma saniatigut akunnermiliuttut aamma akileraartartut suliamut attuumassuteqartut (inatsisilerituut, kukkunersiuisartut il. il.) Akileraartarnermut Aqutsisoqarfimmut nunat akornanni aaqqissuussat pillugit nalunaaruteqartarnissaannut saqqummiisoqarpoq.
Oqaatsit aamma taakku marluk naapertuunissaasa qulakkeernissaa siunertaralugu § 68 a-p kalaallisuua allanngortinneqarpoq.
Aningaasaqarnermut Akileraartarnermullu Naalakkersuisoqarfik siunnersuummut oqaaseqaatissaqaraanni oqaaseqaateqaqqusivoq
kingusinnerpaamik tallimanngorneq ulloq 4. juli 2025.
Tusarniaanermut akissuteqaat nassiuteqquneqarpoq uunga oed@nanoq.gl suliassap normua 2025 – 7751 allallugu aammalu assilinera uunga simog@nanoq.gl.
Akileraaruserinermik ingerlatsineq pillugu inatsisip allanngortinneqarnissaanut siunnersuut pillugu apeqqutissaqaraanni saaffigineqarsinnaavoq Simon Mogensen uunga simog@nanoq.gl & tlf. nr. 346578.
-----
Hermed sendes ovennævnte udkast til lovforslag i høring. Forslag, bemærkninger og høringsliste er vedlagt
Lovforslaget indeholder 3 overordnede emner, hvor der blandt andet gives bemyndigelse til Naalakkersuisut til at fastsætte yderligere indberetningspligter for finansielle institutter. Oplysningerne vil sammen med de oplysninger som indberettes i dag blive udvekslet med udenlandske skattejurisdiktioner. Til gengæld vil Skattestyrelsen modtage tilsvarende oplysninger fra andre lande. Både de nye oplysninger og de som modtages i dag medvirker til at styrke skattekontrollen.
På samme måde lægges der op til, at mellemmænd og relevante skatteydere (advokater, revisorer m.v.) bliver forpligtet til at oplyse Skattestyrelsen om grænseoverskridende ordninger.
Endvidere foretages der en ændring i den grønlandske version af § 68 a med henblik på at sikre overensstemmelse mellem de 2 sprogversioner.
Departementet for Finanser og Skatter skal anmode om eventuelle bemærkninger til forslaget senest fredag d. 4. juli 2025.
Høringssvar bedes sendt til oed@nanoq.gl med angivelse af sagsnummer 2025 - 7751 og med simog@nanoq.gl på kopi.
Eventuelle spørgsmål vedrørende ændringsforslag til lov om forvaltning af skatter kan rettes til Simon Mogensen på simog@nanoq.gl & tlf. nr. 346578.