Nuummi Ujakkaartartut Peqatigiiffiat NUP pilersinneqarpoq 01.06.2004, ujakkaarluni sisorarnerup siuarsarnissaa siunertaavoq, meeqqat, inuusuttut aammalu inersimasut utoqqasaallu ilaasortaasinnaapput. Sisorartartut kattuffianut peqatigiiffipput ilaasortaavoq taassumalu malittarisassai tunngavigalugit ingerlavugut.
Nunatsinni unammersuarnerit GM salliutillugit ilaaffigisarpagut, aammalu DM Norgimi periarfissaqaraangatta ilaaffigisarlugit.
NUP hjemmesideqarpoq www.nup.gl/ tassani peqatigiiffimmi siulersuit inuttai attavigineqarsinnaasut allaqqapput aammalu ilaasortanngoruttut immersugassaat nassaasslluni.
Peqatigiiffipput polikkimut tunngasunik suliaqarneq sammisaqarneq ajorpoq, sunngiffimmi meeqqanut susassaqartitsinissaq pinaveersaartitsinermullu tunngasunik aallutaqarluni.
Illoqarfitsinni peqatigiiffinnik suleqateqarnissamut ammavugut aamma suleqateqallattaasarpugut.
Sisoraatinik attartortoqarsinnaavoq arfininngorneq, sapaat klubhusitta ammanerani, arfinninngornikkut NUP cup ingerlattarparput.