Kunngip peqqussutaatigut imarsiortunik atorfinitsitsisarneq assigiissaallu pillugit Kalaallit Nunaannut inatsisip atuutilernissaa pillugu aammalu Kunngip peqqussutaatigut Kalaallit Nunaannut imarsiornermi isumannaallisaanermut inatsisit assigiinngitsut allannguutaasa atuutilersinneqarnissaat pillugu tamanut tusarniaaneq
Imarsiornermut Qullersaqarfiup Ineqarnermut Attaveqaasersuutinullu Naalakkersuisoqarfik suleqatigalugu Kunngip Peqqussutaatigut Kalaallit Nunaannut imarsiortunik atorfinitsitsisarneq assigiissaallu pillugit inatsisinik atuutilersussanik suliaqaleruttorpoq.
Imarsiortunik atorfinitsitsinermut tunngasut assigiissaallu pillugit inatsimmi imarsiortunik aalisartunillu atorfinitsitsisarnermi inatsisinut tunngasut nalimmassarneqarput isumaginninnermullu inatsisitut ilisarnaateqarluni, tamatumani siullertut pingaarnertullu imarsiortup suliffeqarneranut tunngasut illersornissaannik siunertaqarpoq. Inatsit siornatigut Kalaallit Nunaanni atuutilersinneqarnikuunngilaq.
Inatsit tusarniaanermut uunga ilanngunneqartoq tamarmiulluni Kunngip Peqqussutaatigut Kalaallit Nunaannut atuutilersinneqassasoq nalilerneqarpoq. Aalajangersakkat annikitsuinnarmik naleqqussarneqarsimapput, taakku pissutsinik kalaallinut atuuttunik tunngavilersorneqarsimapput. Assersuutigalugu kalaallit maleruagassaannut innersuussinerit pineqarput, pissutigalugu danskit inatsisaat inatsimmi innersuussutigineqartut Kalaallit Nunaannut atuuttuunngimmata.
Eqikkaaneq suliarineqarpoq, pingaarnertut imarsiortunik atorfinitsitsisarneq assigiissaallu pillugit inatsimmi nalimmassaaneq tamakkiisumik nassuiaatigineqarpoq. Eqikkaaneq tusarniaanermut uunga aamma ilanngunneqarpoq.
Kalaallit Nunaannut imarsiortunik atorfinitsitsisarneq assigiissaallu pillugit inatsisip atuutilersinneqarnissaanut atatillugu imarsiornermi isumannaallisaaneq pillugu aalajangersakkanik ataasiakkaanik atuutilersitsinissaq aamma pisariaqarpoq. Uani pineqarput imarsiornermi isumannaallisaaneq pillugu §§ 20 a aamma 20 b.
Imarsiornermi isumannaallisaaneq pillugu inatsimmi § 20 a, imm. 1 naapertorlugu Imarsiornermut Qullersaqarfiup imarsiortunik atorfinitsitsinermut assigiissaanullu tunngasut, tassungalu atatillugu maleruagassat kiisalu inatsisit allat naapertorneqarnissaannik ilaatigut nakkutilliisarpoq. Aalajangersagaq siornatigut Kalaallit Nunaannut atuutilersinneqarnikuuvoq, taamaattumik Imarsiornermut Qullersaqarfiup umiarsuarnut Kalaallit Nunaannit pigineqartuni imarsiortunik atorfinitsitsinermut assigiissaanullu tunngasut pillugit inatsimmi maleruagassat naapertorneqarnissaannik aamma nakkutilliisarnissaa qulakkeerniarlugu tassuuna aalajangersagaq atuutilersinneqaqqissaaq.
Imarsiornermi isumannaallisaaneq pillugu inatsimmi § 20 b naapertorlugu imarsiornermi isumannaallisaaneq pillugu inatsimmi sinaakkusiussat iluanni aalajangersakkat malillugit allagartanik imarsiortunillu atorfinitsitsisarneq assigiissaallu pillugit uppernarsaatinik allanik tunniussinermik isumaginnittarpoq. Aalajangersagaq siornatigut Kalaallit Nunaannut atuutilersinneqarnikuunngilaq, pissutigalugu aalajangersagaq imarsiortunik atorfinitsitsinermut assigiissaanullu inatsimmut toqqaannartumik attuumassuteqarmat. Inatsit maanna atuutilersinneqalerpoq, pissutigalugu umiarsuarnut Kalaallit Nunaannit pigineqartunut allagartanik assigiissaanillu tunniussisarnissaq aamma periarfissaassammat.
Taamaattumik peqqussummik annikinnerusumik suliaqartoqarpoq, tassuuna § 20 a-mut allannguutit atuutilersinneqassapput kiisalu § 20 b siullermeerluni atuutilersinneqassaaq. Peqqussut tusarniaanermut uunga ilanngunneqarpoq.
Imarsiornermut Qullersaqarfiup peqqussutinut marluusunut oqaaseqaataasinnaasunik nassiussinissassinnik qinnuigaasi. Oqaaseqaatit Ineqarnermut, Attaveqaasersuutinut Isorliunerusunullu Naalakkersuisoqarfimmut e-mailimut uunga box909@nanoq.gl ilanngullugit emtjn@nanoq.gl aamma stni@nanoq.gl nassiunneqassapput, Naalakkersuisoqarfiup tusarniaanermit akissuteqaatit ataatsimoortut Imarsiornermut Qullersaqarfimmut ingerlateqqissavai.
Oqaaseqaatit kingusinnerpaamik ulloq 15/08/2025 tiguneqareersimassapput.
Peqqussutit imarisaat pillugit apeqqutissaqassagussi ataani atsiortumut imaluunniit Ineqarnermut Attaveqaasersuutinullu Naalakkersuisoqarfimmut attaviginninnissassinnut tikilluaqqusaavusi.
-------
Offentlig høring over kongelig anordning om ikrafttræden for Grønland af lov om søfarendes ansættelsesforhold m.v. og kongelig anordning om ikrafttræden for Grønland af forskellige love om ændring af lov om sikkerhed til søs
Søfartsstyrelsen er i samarbejde med Departementet for Boliger, Infrastruktur og Yderdistrikter i gang med at udarbejde en kongelig anordning, som skal sætte lov om søfarendes ansættelsesforhold m.v. i kraft for Grønland.
Lov om søfarendes ansættelsesforhold m.v. regulerer de ansættelsesretlige forhold for søfarende og fiskere og karakteriseres ved at være en social lov, som først og fremmest har til formål at beskytte den søfarende i tjenesteforholdet. Loven har ikke tidligere været sat i kraft for Grønland.
Det er vurderingen, at loven i sin helhed skal sættes i kraft for Grønland ved en kongelig anordning, som er vedlagt denne høring. Der er kun foretaget mindre justeringer i bestemmelserne, som er begrundet i særlige grønlandske forhold. Det drejer sig fx om henvisninger til grønlandske regler, fordi de danske love, som der henvises til i loven, ikke gælder for Grønland.
Der er udarbejdet et resumé, som i hovedtræk beskriver hele reguleringen i lov om søfarendes ansættelsesforhold m.v. Det er også vedlagt denne høring.
I forbindelse med ikraftsættelse af lov om søfarendes ansættelsesforhold m.v. for Grønland, så er der også et behov for at sætte enkelte bestemmelser i lov om sikkerhed til søs i kraft. Det drejer sig om §§ 20 a og 20 b i lov om sikkerhed til søs.
Det følger af § 20 a, stk. 1, i lov om sikkerhed til søs, at Søfartsstyrelsen bl.a. fører tilsyn med overholdelsen af lov om søfarendes ansættelsesforhold m.v. og regler udstedt i medfør heraf samt andre love. Bestemmelsen har tidligere været sat i kraft for Grønland, hvorfor bestemmelsen alene sættes i kraft igen, for at sikre, at Søfartsstyrelsen også for skibe hjemmehørende i Grønland kan føre tilsyn med overholdelsen af reglerne i lov om søfarendes ansættelsesforhold m.v.
Det følger af § 20 b i lov om sikkerhed til søs, at Søfartsstyrelsen inden for rammerne af lov om sikkerhed til søs varetager udstedelsen af foreskrevne certifikater og anden dokumentation efter lov om søfarendes ansættelsesforhold m.v. Bestemmelsen har ikke tidligere været sat i kraft for Grønland, da bestemmelsen direkte relaterer sig til lov om søfarendes ansættelsesforhold m.v. Den skal nu sættes i kraft, fordi det også skal være muligt at udstede certifikater m.v. for skibe hjemmehørende i Grønland.
Der er derfor udarbejdet en mindre anordning, som alene sætter ændringer til § 20 a i kraft samt sætter § 20 b i kraft for første gang. Den er vedlagt denne høring.
Søfartsstyrelsen skal bede om, at I fremsender eventuelle bemærkninger til begge anordninger. Bemærkningerne skal sendes til Departementet for Boliger, Infrastruktur og Yderdistrikter på box909@nanoq.gl samt kopi til emtjn@nanoq.gl og stni@nanoq.gl, som vil videreformidle de samlede høringssvar til Søfartsstyrelsen.
Bemærkningerne skal være modtaget senest den 15. august 2025.
Hvis I måtte have spørgsmål til indholdet i anordningerne, så er I meget velkommen til at kontakte undertegnede eller Departementet for Boliger, Infrastruktur og Yderdistrikter.