Umiarsualivimmiinnermut aamma umiarsuarni takornarianik angallassisuni ilaasut akileraarutaat pillugit inatsisartut inatsisaata allanngortinneqarneranik Inatsisartut inatsisaat
Matumuuna siunnersuut siuliani taaneqartoq tusarniaassutigalugu nassiunneqarpoq.
Siunnersuummi umiarsuit takornarianik angallassisut Kangerlussuarmi umiarsualivimmiinnermut akitsuutinut akilertagaat appartinneqarpoq.
Inatsimmik annertuliinermik kinguneqartumik erseqqissaanerit siunnersuutigineqarput, taamaalilluni umiarsuit takornarianik angallassisut umiarsuarnik takornarianik angallassisunut akitsuummut ilaalersinneqarlutik, taamaalillunilu umiarsuit ilaatinneqartut amerlisinneqarput, kinguneranillu kommunit avatangiisinut iluarsartuussinermullu akiliummik, piffinni atortuutit pitsanngortinnerannut
atorneqarsinnaasunik, akiliisitsisinnaanermut periarfissinneqarput.
Sunngiffimmi angallatit nunanit allaneersut umiarsualivimmiinnermut akitsuummik akiliisussaanerannik ersarissaasumik ilassusiinissaq siunnersuutigineqarpoq, umiarsuarnullu taamaattunut umiarsualivimmiinnermut akitsuut ullormut 300 kr.-nut aalajangersarneqarpoq.
Peqatigisaanik umiarsuarnut pisortanut pigineqartunut, eqqakkanik il.il. katersillutillu assartuisunut ilaatitsinnginnissaq siunnersuutigineqarpoq.
Akitsuutit suut inatsimmut ilaatinnerat piumasaqaatillu ersarinnerulersinniarlugit, siunnersuut malittarisassat atuuttut aaqqissuunneqarnerisa allanngortinneqarneranik imaqarpoq. Tamatuma saniatigut malittarisassaat allanngortinneqarput, taamaalilluni nalunaarutiginninneq akitsuutinillu akiligassanillu akiliineq siusinnersukkut piffinni umiarsualivinni oqartussat aqqutigalugit akilerneqartartoq Akileraartarnermut Aqutsisoqarfimmut toqqaannartumik pisussanngorlugu.
Oqaatigiumasat Aningaasaqarnermut Akileraartarnermullu Naalakkersuisoqarfiup kingusinnerpaamik tigusimassavai: pingasunngorneq ulloq 16. juli 2025
Oqaatigiumasat e-mailikkut uunga nassiunneqarnissaat kissaatigineqarpoq: oed@nanoq.gl - simog@nanoq.gl-mut cc-lerlugu
-------
Forslag til Inatsisartutlov om ændring af landstingslov om havne- og krydstogtpassagerafgift
Hermed sendes ovennævnte forslag i høring.
Forslaget nedsætter afgiftssatserne for havneafgift for krydstogtsskibe, der anløber Kangerlussuaq havn.
Der forslås præciseringer, der medfører en udvidelse af loven, så passagerskibe omfattes af krydstogtpassagerafgiften, hvilket samtidig udvider omfanget af de skibe, hvorpå kommunerne har mulighed for at opkræve miljø- og vedligeholdelsesgebyrer, som kan anvendes til forbedringer af lokale faciliteter.
Der foreslås en tilføjelse, der tydeliggør, at udenlandske fritidsfartøjer er pålagt havneafgift samtidig med, at havneafgiften på denne type skibe fastsættes til 300 kr. pr. døgn.
Desuden foreslås en ny undtagelse for offentligt ejede skibe, der indsamler og transporterer affald m.v.
For at skabe et bedre overblik over, hvilke afgifter, loven dækker, og tilknyttede betingelser indeholder forslaget en ændret struktur af gældende regler. Herudover ændres reglerne, så indberetning og afregning af afgifter og gebyrer sker direkte til Skattestyrelsen mod tidligere via de lokale havnemyndigheder.
Bemærkninger skal være Departementet for Finanser og Skatter i hænde senest: onsdag 16. juli 2025
Eventuelle bemærkninger bedes sendt pr. e-mail til: oed@nanoq.gl med cc til simog@nanoq.gl