Qasigiannguani Aasiannilu erngup nukinganik nukissiorfissamut tunngatillugu ASN pillugu nalunaarusiap tamanut tusarniaassutigineqarnera

Erngup nukinganik nukissiorfissap allaaserineqarnera.
Ullumikkut Qasigiannguani Aasiannilu innaallagiamik kiassarnermillu pilersuineq ikummatissaninngaanneerneruvoq, Kalaallillu Nunaanni tamanut nukissiutinik pilersuinermi katillugu uuliamik atuinermi illoqarfiit taakku marluk atuinerat 20% missaanniippoq. Ataatsimut isigalugu, Nuummi erngup nukinganik nukissiorfiup allilerneqarnissaa aammalu Qasigiannguani Aasiannilu erngup nukinganik nukissiorfissap pilersinneqarnera, 2032-mi Kalaallit Nunaata CO2-mik aniatitsinera 85.000 tonsinik annikillisinnissaanik tapersiissapput.
Qasigiannguanut Aasiannullu pilersuisussamik nutaamik erngup nukinganik nukissiorfiliornerup ilagaa, Qasigiannguaniit kujammut kangimut 20 km-it missaannik ungasitsigisumi kangerluup Kangersornup ungasinngisaani innaallagissiorfiliorneq. Erngup nukinganik nukissiorfissap, Kuussuup Tasiani erngup kuunneranit, imeq atussavaa. Erngup nukinganik nukissiorfiliornissap saniatigut, Kuussuup Tasiata Qinngap Ilulialeeraatalu tasiisa akornisigut sulluliortoqassaaq.
Erngup nukinganik nukissiorfiliornissap aamma saniatigut, innaallagissiorfimmiit Qasigiannguanut (38 km-it missaannik) Aasiannullu (117 km-it missaannik) takissusilinnik sarfap aqqutaanik pilersitsisoqassaaq, 420-nik napparusiornertalinnik. Erngullu nukinganik nukissiorfissap eqqaani suliaqarnermut aqquserniortoqarnissaa, illoqarfinnilu taakkunani marlunni sakkortusaaviliortoqarnissaa pilersaarutigineqarluni.

Erngup nukinganik nukissiorfik ASN-imik malinnittussaatitaavoq, tak. Namminersorlutik Oqartussat nalunaarutaanni nr. 5, 27. marts 2013-imeersumi sanaartukkat aalajangersimasut avatangiisinut sunniutaannik avatangiisinillu nakkutilliinermullu akiliutinik nalilersuinikkut. ASN Avatangiisinut Sunniutinik Naliliinerup naalisaatigaa. NunaGreen sanatitsisutut suliap sanaartornikkut ingerlatsinikkullu avatangiisinut sunniutigisinnaasaanik nalilersuinissamut ASN-imut nassuiaasiornikuuvoq.


Suliap piviusunngortinneqarnissaanut Nuup aamma Qasigiannguit Aasiaallu pilersorneqarnerannut erngup nukinganik nukissiorfinnik taakkununngalu atatillugu atortunik sanaartornermut, aningaasaliinermut ingerlatsinermullu sinaakkutit atugassarititaasut pillugit Inatsisartut inatsisaat nr. 22, 1. december 2021-meersoq tunngavigineqarpoq.

Innuttaasunik ataatsimiisitsinerit

Sanatitsisoq, nalunaarut qulaani allaqqasoq naapertorlugu, Qasigiannguani Aasiannilu innuttaasunik ataatsimiisitsissaaq. Ataatsimiinnernilu sanaartornerup avatangiisinut sunniutigisinnaasai erseqqissaatigineqassapput. Sanatitsisoq innuttaasut ataatsimiinnissaat sumi qanorinnikkullu pissanersut sumiiffinni tusagassiutitigut nalunaaruteqassaaq.

Tusarniaaneq

Suliamut soqutiginnittut tamarmik tusarniaanermi akissuteqarnissaat kajumissaarutigineqarpoq. Tusarniaanermilu akissuteqaatit Naalakkersuisut tusarniaanermi nittartagaannut iliorarneqassapput.
Tusarniaassutissatut atortussiat tassaapput:

- ASN pillugu nalunaarusiaq: Qasigiannguani Aasiannilu erngup nukinganik nukissiorfik
- Ilanngussaq 1: Takussutissatut titartagaq
- Ilanngussaq 2: Pissutsinut pilersaarut
- Ilanngussaq 3: Aasianni sakkortusaavissap inissisimaffissaa
- Ilanngussaq 4: Qasigiannguani sakkortusaavissap inissisimaffissaa
- Ilanngussaq 5: Betonnimik akoorivik
- Ilanngussaq 6: Ujaqqanik sequtserut immikkoortiterivillu
- Ilanngussaq 7: Taaguusersuutit naalisaatillu allattorsimaffiat

Tusarniaanermi killigititaq: 03.07.2025


Tusarniaanermi akissuteqaatit Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmut nassiunneqassapput, elektroniskimik e-mailadresse pan@nanoq.gl -imut imaluunniit allakkatigut uunga postboks 1614, 3900 Nuuk.

------
Offentlig høring af VVM-redegørelse vedrørende Qasigiannguit-Aasiaat Vandkraftværk

Beskrivelse af vandkraftværkprojektet
Den lokale el- og varmeforsyning i Qasigiannguit og Aasiaat er i dag primært baseret på fossile brændsler, og de to byer står for ca. 20% af det samlede olieforbrug i den offentlige energiforsyning i Grønland. Samlet set vil udbygningen af vandkraftværket i Nuuk og etableringen af Qasigiannguit-Aasiaat vandkraftværket bidrage til en Grønlandsk CO2 reduktion på cirka 85.000 ton i 2032.

Anlæggelsen af et nyt vandkraftværk til forsyning af Qasigiannguit og Aasiaat omfatter etablering af en kraftstation, der placeres ved fjorden Kangersuneq cirka 20 km sydøst for Qasigiannguit. Vandkraftværket vil udnytte vandressourcerne fra Kuussuup Tasias vandopland. Som et led i anlæggelsen af vandkraftværket skal der desuden etableres en overføringstunnel mellem søerne Kuussuup Tasia og Qinngap Ilulialeeraa.

Foruden anlæggelsen af vandkraftværket omfatter projektet også etablering af en transmissionslinje til Qasigiannguit (cirka 38 km) og en transmissionslinje til Aasiaat (cirka 117 km) med anlæggelse af cirka 420 master på transmissionslinjen. Derudover planlægges der etablering af arbejdsveje i nærheden af vandkraftværket samt transformerstationer i begge byer.

Vandkraftværket er VVM-pligtigt, jf. Selvstyrets bekendtgørelse nr. 5 af 27. marts 2013 om vurdering af visse anlægs virkninger på miljøet og betaling for miljøtilsyn. VVM står for Vurdering af Virkninger på Miljøet. NunaGreen har som bygherre udarbejdet en VVM-redegørelse med henblik på at vurdere projektets potentielle miljøpåvirkninger i henholdsvis anlægs- og driftsfasen.

En realisering af projektet skal ses i lyset af Inatsisartutlov nr. 22 af 1. december 2021 om rammebetingelser for anlæg, finansiering og drift af vandkraftværker med tilhørende faciliteter til forsyning af Nuuk samt Qasigiannguit og Aasiaat.

Borgermøder
Bygherre afholder, i overensstemmelse med ovenstående bekendtgørelse, borgermøder i Qasigiannguit og Aasiaat. På borgermøderne vil anlægsprojektets potentielle miljøpåvirkninger blive belyst. Bygherre vil i de lokale medier annoncere sted og tidspunkt for afholdelse af borgermøder.

Høring
Alle med interesse i projektet opfordres til at afgive høringssvar. Modtagne høringssvar vil blive lagt ud på Naalakkersuisuts høringsportal.
Høringsmaterialet består af følgende:

- VVM-redegørelse - Qasigiannguit-Aasiaat Vandkraftværk
- Bilag 1 - Oversigtstegning
- Bilag 2 - Situationsplan
- Bilag 3 - Aasiaat placering af transformerstation
- Bilag 4 - Qasigiannguit placering af transformerstation
- Bilag 5 - Betonblandeanlæg
- Bilag 6 - Stenknuse- og sorteringsanlæg
- Bilag 7 - Liste over termer og forkortelser

Høringsfristen er 03.07.2025.

Høringssvar skal sendes til Departementet for Landbrug, Selvforsyning, Energi og Miljø, enten elektronisk til e-mailadresse pan@nanoq.gl eller pr. brev til postboks 1614, 3900 Nuuk.