Utoqqarmiut Kangerluarsunnguanni erngup nukinganik innaallagissiorfiup allilerneqarnissaa pillugu atuinissamut akuersissummik nutaanik tunniussinissaq aamma inuiaqatigiinni piujuartussamik iluaqutaasumik sunniutaasussat pillugit tamanut ammasumik tusarniaanermut allakkiaq
Utoqqarmiut Kangerluarsunnguanni erngup nukinganik atuinissamut akuersissummik nutaamik NunaGreen Construction Nuuk A/S-imut aamma Nukissiorfinnut tunniussinissaq aamma inuiaqatigiinni piujuartussamik iluaqutaasumik sunniutaasussat pillugit tusarniaanermut oqaaseqaateqaqqusineq matumuuna Naalakkersuisoqarfiup nassiuppaa.
Tusarniaanermut makkua ilanngunneqarput:
- Utoqqarmiut Kangerluarsunnguanni erngup nukinganik innaallagissiorfiup allilerneqarnissaa pillugu piiaanissamut akuersissummik tunniussineq aamma inuiaqatigiinni piujuartussamik iluaqutaasumik sunniutaasussat pillugit allakkiaq.
Naalakkersuisoqarfiup kingusinnerpaamik ulloq 17. juni 2025 nal. 12 tusarniaanermut akissuteqaatit tigunissaat qinnutigaa
Naalakkersuisoqarfik inuiaqatigiinni piujuartussamik iluaqutaasumik sunniutaasussat pillugit tusarniaalluni ataatsimiititsinissamut qaaqqusivoq pingasunngornermi ulloq 21. maj nal. 13 – 14 Naalakkersuisoqarfimmi.
Siunnersuummut oqaaseqaatissaqaraanni nassiuteqquneqarput e-mail-ikkut uunga isiin@nanoq.gl aamma cc. inbp@nanoq.gl imaluunniit allakkatigut uunga:
Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfik
Imaneq 1A
Postboks 1601
3900 Nuuk
Siunnersuummut tunngaviusoq
Utoqqarmiut Kangerluarsunnguanni erngup nukinganik innaallagissiorfiup Nuummut pilersuinissamut allilerneqarnissaa, Inatsisartut 2021-mi akueraat, takuuk Nuup kiisalu Qasigiannguit Aasiaallu pilersorneqarnerannut erngup nukinganik nukissiorfinnik taakkununngalu atatillugu atortunik sanaartornermut, aningaasalersuinermut ingerlatsinermullu killiliussatut atugassarititaasut pillugit Inatsisartut inatsisaat nr. 22, 1. december 2021-meersoq (sanaartornermut inatsit), Inatsisartut inatsisaanni nr. 17, 21. november 2022-meersumi allanngortinneqartoq.
Sanaartornissamut taarsigassarsinissamullu akisussaaffik NunaGreen A/S-imi inissinneqassasoq, 2023-mi martsimi taamanikkut Naalakkersuisuusut aalajangerput.
Sanaartornissamut inatsisip atuutsinneqarnissaanut ilaatillugu ingerlatseqatigiiffik immikkoortortaq NunaGreen Construction Nuuk A/S, NunaGreen A/S-imit tamakkiisumik pigineqartoq aamma Nukissiorfiit sumiiffimmi erngup nukinganik atuinissamut akuersissummik nutaamik tunineqartussaapput, takuuk Erngup nukingata nukissiornermut atorneqartarnera pillugu Inatsisartut inatsisaat nr. 5, 27. november 2018-imeersoq.
Nuummi nukissiamik pisariaqartitsineq ukiorpassuit ingerlaneranni annertusiartuaaginnavissimavoq. Peqatigisaanik maannakkut innaallagissiorfimmiit erngup nukinganik pilersuinermi 2010-miilli tatsimit imermik aallerfiusartumit Kangerluarsunnguup Tasersuanit (KANG) maannakkut atorneqartumit imeq, imermit agguaqatigiissillugu tatsimut kuuttartumit annertunerusoq, maqinneqartarpoq.
Taamatuttaaq Nuummi atuerujussuarnerit pineranni nukissiamik pisariaqartitsinerup, nukissiamut erngup nukinganik innaallagissiorfimmit pilersuutigineqarsinnaasumut pisinnaasat annertunerpaaffiat, angulereersimavaa.
Taamaattumik erngup nukinganik innaallagissiorfiup allilerneqarnissaa pisariaqarpoq, tassani innaallagissiorfimmik nutaamik pilersitsinikkut, peqatigisaanillu taseq imermik aallerfissaq nutaaq, Isortuarsuup Tasia (ISTA), sulloq 16 km-isut takissusilik aqqutigalugu ilanngutsillugu erngup nukinganut imeq pissarsiarineqarsinnaasoq annertusitillugu, erngup nukingani pisinnaasat annertusitinneqassallutik.
Suliassaq VVM-imik suliaqarfigineqartussaatitaavoq, takuuk Atortut ilaasa avatangiisinut sunniutaannik nalilersuineq aamma avatangiisinik nakkutilliinermut akiliutit pillugit Namminersorlutik Oqartussat nalunaarutaat nr. 5, 27. marts 2013-imeersoq. VVM-imut nassuiaat tusarniaassutigineqareerpoq aammalu Naalakkersuisunit akuerineqareerluni, takuuk Utoqqarmiut Kangerluarsunnguanni innaallagissiorfiup allineqarnissaa pillugu ASN-imut nassuiaatip tamanut ammasumik tusarniaassutigineqarnera
Sanaartugassaq annertoorujussuaq sullivissarpassuaqartitsisussaq kiisalu tamakkiisumik taarsigassarsinikkut aningaasalersorneqartumik annertoorujussuarnik sanaartornermut aningaasartuuteqarfiusussaq, matumani pineqarpoq. Taamaattumik suliassaq inuiaqatigiinni piujuartussamik iluaqutaasumik sunniuteqartussaavoq. Inuiaqatigiinni piujuartussamik iluaqutaasumik sunniutaasussanik nalilersuineq (VSB) pillugu nalunaarusiamik suliaqartoqarsimanngilaq, kisianni najukkani sulisussanut najukkanilu suliffeqarfinnut inuiaqatigiinni sunniinissaq pillugu paasissutissat tamanut ammasumik tusarniaassutigalugit matumuuna nassiunneqarput.
Inuiaqatigiinni piujuartussamik iluaqutaasumik sunniutaasussat pillugit siunertat allat mianerisassallu Naalakkersuisunit, NunaGreen A/S NunaGreen Construction Nuuk A/S-imik piginnittuusoq aqqutigalugu aamma Nukissiorfiit aqqutigalugu, Naalakkersuisut suliffeqarfinnut sunniuteqarnerat nakkutiginninnerallu atorlugit, iliuuseqarfigineqassapput.
Tusarniaanermut akissuteqaatit, sumiiffimmi erngup nukinganik atuinissamut NunaGreen Construction Nuuk A/S-imut aamma Nukissiorfinnut akuersissummik nutaamik tunniussineq pillugu inuiaqatigiinni piujuartussamik iluaqutaasumik sunniutaasussat saniatigut pissutsinut allanut tunngassuteqarsinnaapput.
Siusinnerusukkut tusarniaanerit
Nuummi erngup nukinganik innaallagissiorfiup – Utoqqarmiut Kangerluarsunnguanni innaallagissiorfiup – allilerneqarnissaa pillugu VVM-imut nassuiaat tusarniaassutigalugu Naalakkersuisoqarfiup ulluni 6. juli - 10. september 2023 nassiuppaat. Nassuiaammi ilaatinneqarpoq suliassamut atatillugu Avatangiisinut Sunniutaasussanik Nalilersuineq (VVM). Tusarniaanermut atatillugu Nuummi ulloq 14. august 2023 innuttaasunik ataatsimiititsineq ingerlanneqarpoq.
NunaGreen-ip VVM-imut suliassap allanngortinnissaanik nalunaarutiginninnerata akuerineqarnera pillugu Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik ulloq 9. oktober 2024 aalajangiivoq. Aalajangiineq tusarniaassutigineqanngilaq, kisianni tamanut ammasuulluni aammalu sapaatit akunnerini 6-ini naammagittaalliuutigineqarsinnaasimalluni.
Nuup kiisalu Qasigiannguit Aasiaallu pilersorneqarnerannut erngup nukinganik nukissiorfinnik taakkununngalu atatillugu atortunik sanaartornermut, aningaasalersuinermut ingerlatsinermullu killiliussatut atugassarititaasut pillugit Inatsisartut inatsisaat nr. 22, 1. december 2021-meersoq piffissami 18. maj 2021 – 18. juni 2021 tusarniaassutigineqarpoq.
Nuup kiisalu Qasigiannguit Aasiaallu pilersorneqarnerannut erngup nukinganik nukissiorfinnik taakkununngalu atatillugu atortunik sanaartornermut, aningaasalersuinermut ingerlatsinermullu killiliussatut atugassarititaasut pillugit Inatsisartut inatsisaat nr. 22, 1. december 2021-meersup allanngortinneqarnissaa pillugu Inatsisartut inatsisaat nr. X, X 2022-meersoq piffissami 3. juli 2022 – 3. august 2022 tusarniaassutigineqarpoq.
Kommuneqarfik Sermersuumi, Nunatta Katersugaasivisiani Allagaateqarfianilu kiisalu Naalakkersuisoqarfinni attuumassuteqartuni sumiiffimmi pisinnaatitaaffiit pioreersut pillugit tusarniaaneq Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup piffissami 24. marts 2025 – 4. april 2025 ingerlappaa.
----
Notat til offentlig høring om samfundsmæssig bæredygtighed i forbindelse udnyttelsestilladelsen til udvidelse af vandkraftværk ved Utoqqarmiut Kangerluarsunngua
Departementet sender hermed høringsanmodning vedrørende meddelelse af ny tilladelse til udnyttelse af vandkraft ved Utoqqarmiut Kangerluarsunnguat til NunaGreen Construction Nuuk A/S og Nukissiorfiit og samfundsmæssig bæredygtighed.
Vedlagt høring følger:
- Notat om meddelelse af udnyttelsestilladelse og samfundsmæssig bæredygtighed vedrørende udvidelse af vandkraftværk ved Utoqqarmiut Kangerluarsunnguat.
Departementet skal anmode om høringssvar senest den 17. juni kl. 12 2025
Departementet inviterer til høringsmøde om den samfundsmæssige bæredygtighed onsdag d. 21. maj kl. 13 – 14 i Departementet.
Eventuelle bemærkninger til forslaget bedes sendt pr. e-mail til isiin@nanoq.gl og cc. inbp@nanoq.gl eller pr. post til:
Departementet for Erhverv, Råstoffer, Energi, Justitsområdet og Ligestilling
Imaneq 1A
Postboks 1601
3900 Nuuk
Baggrund for forslaget
I 2021 vedtog Inatsisartut at udvide vandkraftværket ved Utoqqarmiut Kangerluarsunnguat til forsyning af Nuuk, jf. Inatsisartutlov nr. 22 af 1. december 2021 om rammebetingelser for anlæg, finansiering og drift af vandkraftværker med dertilhørende faciliteter til forsyning af Nuuk samt Qasigiannguit og Aasiaat (anlægsloven), som ændret ved Inatsisartutlov nr. 17 af 21. november 2022.
I marts 2023 besluttede det daværende Naalakkersuisut at ansvar for anlæg og lånoptag placeres hos NunaGreen A/S.
Som led i udmøntning af anlægsloven skal der meddeles en ny tilladelse til udnyttelse af vandkraft i området til NunaGreen A/S’ helejede datterselskab NunaGreen Construction A/S og Nukissiorfiit, jf. Inatsisartutlov nr. 5 af 27. november 2018 om udnyttelse af vandkraftressourcer til produktion af energi.
Energibehovet i Nuuk har over en længere årrække været stadigt stigende. Samtidig har den nuværende vandkraftforsyning fra værket siden 2010 aftappet mere vand fra den nuværende reservoirsø, Kangerluarsunnguup Tasersua (KANG), end den mængde vand, som gennemsnitlig strømmer til søen.
Ligeledes er energibehovet i Nuuk i spidslastninger allerede tæt på at nå maksimalkapaciteten for den energi, der kan leveres fra vandkraftværket.
Det er derfor nødvendigt med en udvidelse af vandkraftværket, hvor kapaciteten på kraftværket øges gennem etablering af en ny kraftstation samtidig med, at de tilgængelige vandmængder til kraftværket øges ved at inddrage en ny reservoirsø Isortuarsuup Tasia (ISTA) via en 16 km lang tunnel.
Projektet er VVM-pligtigt, jf. Selvstyrets bekendtgørelse nr. 5 af 27. marts 2013 om vurdering af visse anlægs virkninger på miljøet og betaling for miljøtilsyn. VVM-redegørelsen har været i høring og er godkendt af Naalakkersuisut, jf. Offentlig høring af VVM-redegørelse vedrørende udvidelse af Buksefjordsværket.
Der er tale om et stort anlægsprojekt med mange arbejdspladser samt en betydelig anlægsomkostning, der i det hele låne finansieres . Projektet vil derfor have indvirkning på den samfundsmæssige bæredygtighed. Der er ikke udarbejdet en rapport om Vurdering af Samfundsmæssig Bæredygtighed (VSB), men oplysninger om de samfundsmæssige påvirkninger for lokale arbejdstagere og lokale virksomheder fremsendes hermed til offentlig høring.
Andre formål og hensyn vedrørende samfundsmæssig bæredygtighed vil blive håndteret af Naalakkersuisut via NunaGreen A/S som ejer af NunaGreen Construction Nuuk A/S og via Nukissiorfiit gennem den indflydelse og kontrol, som Naalakkersuisut har overvirksomhederne.
Høringssvar kan omfatte andre forhold end samfundsmæssig bæredygtighed vedrørende meddelelsen af en ny tilladelse til udnyttelse af vandkraft i området til NunaGreen Construction Nuuk A/S og Nukissiorfiit.
Tidligere høring
Departementet sendte den 6. juli til 10. september 2023 VVM-redegørelse om udvidelse af Nuuk vandkraftværk – Buksefjordsværket i høring. Redegørelsen omfatter en Vurdering af Virkningerne på Miljøet (VVM) i forbindelse med projektet. I forbindelse med høringen har der været afholdt borgermøde i Nuuk den 14. august 2023.
Departementet for Landbrug, Selvforsyning, Energi og Miljø traf d. 9. oktober 2024 afgørelse om at godkende NunaGreens anmeldelse af ændring af VVM-projektet. Afgørelse var ikke i høring, men var offentligt og kunne påklages i 6 uger.
Inatsisartutlov nr. 22 af 1. december 2021 om rammebetingelser for anlæg, finansiering og drift af vandkraftværker med dertilhørende faciliteter til forsyning af Nuuk samt Qasigiannguit og Aasiaat har været i høring i perioden 18. maj 2021 – 18. juni 2021.
Inatsisartutlov nr. 17 af 21. november 2022 om ændring af Inatsisartutlov nr. 22 af 1. december 2021 om rammebetingelser for anlæg, finansiering og drift af vandkraftværker med dertilhørende faciliteter til forsyning af Nuuk samt Qasigiannguit og Aasiaat har været i høring i perioden 3. juli 2022 – 3. august 2022.
Departement for Landbrug, Selvforsyning, Energi og Miljø har i perioden 24. marts 2025 – 4. april 2025 gennemført en høring vedrørende eksisterende rettigheder i området hos Kommuneqarfik Sermersooq, Nunatta Katersugaavisia Allagaateqarfialu samt relevante departementer.